კოოპერატივების ფონდის მხარდაჭერით, ფერმერები სოფლის მეურნეობაში თანამედროვე ტექნოლოგიების დანერგვის მეთოდებს გაეცნენ
16/04/2019 0 ნახვა

 

 

 

 

 

2019 წლის 2 აპრილს, წყალტუბოს მუნიციპალიტეტ სოფელ ქვიტირში „სასოფლო სამეურნეო კოოპერატივების განვითარების ფონდი“-ს (კოოპერატიების ფონდის) ორგანიზებით გაიმართა რიგით პირველი ღონისძიება თემაზე „თანამედროვე ტექნოლოგები და გამოცდილი მიდგომები სოფლის მეურეობაში“.

ღონისძიების მასპინძელი იყო კომპანია „კარტლისი“. ღონისძიებაში მონაწილეობა მიიღეს „კარტლისი“-ს ექსპერტთა ჯგუფმა, „ელექსირი“-ს და „ენერგოეფექტურობის ფონდის“ წარმომადგენლებმა.

ღონისძიების მიზანი იყო, ხელი შეუწყოს სასოფლო-სამეურნეო კოოპერატოვების წევრი ფერმერების წვდომას  სასოფლო-სამეურნეო სფეროში თანამედროვე ტექნოლოგიებსა და დანერგილ მიდგომებზე, დარგში არსებული სერვისის მიმწოდებლებსა და  ფერმერებს შორის ეფექტიანი თანამშრომლობის გზით.

შეხვედრაზე პრეზენტაციები წარმოადგინეს „კარტლისი“ს ექსპერტებმა  ლელა გვასალიამ, გურამ მოსიაშვილმა,  ნინო მუმლაძემ შემდეგ თემებზე: კარტლისის მიერ გამოცდილი მიდგომები და მიღწეული შედეგები, როგორ შევარჩიოთ სარწყავლი სისტემა სწორად ჩვენი ნაკვეთისთვის, ნიადაგის კვლევა და მცენარის კვება თითოული კულტურისთვის.  ასევე, ფერმერების წინაშე ახალი ინოვაციური პროდუქტი  „ელქსირი“ წარადგინა კომპანია „ინოლაბი”-ს მმართველმა პარტნიორმა  გიორგი ზვიადაძემ, რომელმაც ისაუბრა  ბიოლოგიურად სუფთა და მაღალტექნოლოგიური პროდუქტის სარგებელსა და მის გამოყენებაზე სოფლის მეურნეობის თითქმის ყველა მიმართულებით. ღონისძიება დახურა “ენერგოეფექტურიბის ფონდი“-ს წარმომადგენელმა ვახტანგ ზარქუამ, რომელმაც ფერმერებს ენერგოეფექტურობის კუთხიოთ სიახლეები გააცნო. შეხვედრა კითხვა პასუხის რეჟიმში გაგრძელდა, სადაც ფერმერებმა მათთვის საინტერესო საკითხებზე ამომწურავი ინფორმაცია მიიღეს. შეხვედრაში მონაწილე კოოპერატივის წევრებმა აღნიშნეს, რომ ინფორმაციის მიწოდება თანამედროვე ტექნოლოგიების დანერგვის თაობაზე ფერმერებისთვის ძალიან მნიშვნელოვანია. „ცოდნა და სწორი ინფორმაცია. ეს არის ზუსტად ის რაც ამ ეტაპზე ყველაზე მეტად გვჭირდებოდა“-აღნიშნა კოოპერატივების ფონდის წევრმა ლევან ხმალაძემ.

ღონისძიების დასრულების შემდეგომ „ელექსირი“-ს მოწვევით ბალნეოკურორტ წყალტუბომ უმასპინძლა.

კოოპერატივების ფონდი წარმოადგენს  საქართველოს სამოქალაქო კოდექსით შექმნილ  წევრობაზე დაფუძნებულ არასამეწარმეო (არაკომერციულ) იურიდიული პირს, რომლის ძირითადი მიზანია სოფლად სასოფლო-სამეურნეო კოოპერატივების შესაძლებლობების გაძლიერება, ფინანსებზე ხელმისაწვდომობის გაუმჯობესება, წარმოების პროცესში ახალი ტექნოლოგიების დანერგვის ხელშეწყობა.

 

„კოოპერატივების ფონდი“ დაარსდა 2017 წელს საერთაშორისო ორგანიზაცია “CARE”-ს მიერ ENPARD პროგრამის ფარგლებში დაფინანსებული სასოფლო-სამეურნეო კოოპერატივების ბაზაზე. „კოოპერატივების ფონდის“ საქმიანობა მხარდაჭერილია CARE-ს მიერ.